BID SAAM MET ONS BYBELGENOOTSKAPPE

 

 pray

 
Mei 21 - 27

 

Laos: Dank die Here dat ons, ten spyte van moeilike omstandighede, met ons taak kan voortgaan. Bid dat dit steeds moontlik sal wees om Bybels aan die plaaslike kerke beskikbaar te stel. Bid vir ons Bybelgebaseerde geletterdheidsprogram asook vir ons pogings om die armes, kinders en jeug met die Bybel te bereik.

Viëtnam: Bid vir die verskillende Bybelvertalingsprojekte vir minderheidsgroepe waarmee ons tans besig is. Bid ook vir die vertaling van 'n aantal Bybelgedeeltes in Gebaretaal en vir ons projek om die Bybel, wat lewens verander, aan mense wat dit nie kan bekostig nie te voorsien. Bid vir ons verhouding met die Kerk.

Kambodja: Bid vir ons geletterdheidsprojek en veral vir die veiligheid van ons personeel en vrywilligers wat soms na afgeleë dele moet reis om hierdie projek te implementeer. Bid ook vir ons Vergifnis en Versoening-projek.


 

Laai die kwartaallikse pdf-dokument hier af. 

 

 

 

Kaart Mei