BID SAAM MET ONS BYBELGENOOTSKAPPE

 

 pray

 
24 - 30 Oktober

 

Sri Lanka: Bid vir die hersiening van die ou vertaling van die Tamil Bybel. Tamil is die amptelike taal met die tweede meeste sprekers in Sri Lanka en verskil van die Tamil wat in Indië gepraat word. Die projek behels die digitalisering van die ou vertaling, wat dan deur geringe hersienings van die teks gevolg sal word.

 

Bangladesj: Ons wil ’n projek begin om ’n eerste Bybel vir die Tripura mense van ons land in hul taal, Kok Borok Tipera, te vertaal. Bid ook vir ons werk onder die jongmense.

 

Indië: ’n Ongekende getal mense in hierdie land is deur Covid-19 geraak en baie het hulle geloofsoortuiginge begin bevraagteken. Bid dat ons hulle sal kan help om die ware Verlosser te leer ken en dat hulle soeke na die waarheid nie tydelik sal wees nie.

 

Maledive: Hierdie oorwegend Islamitiese land is ’n gewilde toeristebestemming en het, soos baie ander lande, erg onder die gevolge van Covid-19 deurgeloop. Bid dat die mense van Maledive na die ware God van die Bybel sal draai.

  

Laai die kwartaallikse pdf-dokument hier af.

Kaart Nov Des