Paul du Plessis

Voorsitter

Paul is in 2017 tot direkteur verkies. Hy is 'n dienende NG predikant en is tans aan die gemeente Riviera-Jakaranda verbonde. Hy het baie ervaring in gemeentewerk, sowel as kerklike beheerstrukture. Hy het in verskeie hoedanighede, onder andere as voorsitter, in die ringe van Birchleigh en Moot Sentraal gedien. Hy het ook in die moderatuur van die Hoëveld en Noordelike sinodes gedien, ook vir 'n termyn (2007-2010) as moderator. Tans is hy 'n lid van die moderamen van die Algemene Sinode van die NG Kerk. Paul het sy doktorsgraad in kerkgeskiedenis behaal.

Gerhard Swiegers

Eretesourier

Gerhard het in 2021 as ere-tesourier by die raad aangesluit. Hy is ’n geregistreerde geoktrooieerde rekenmeester en is ook ’n trustee van verskeie welsynstrusts. Gerhard dien ook as direkteur op die raad van talle nie-winsgewende maatskappye. Hy was ook deel van die NG Moederkerk, Stellenbosch se Finansiële Kommissie.

Gugu Dlamini

Gugu het in 2013 vir die eerste keer by die Raad aangesluit en dien tans vir ’n tweede termyn. Gugu het meer as 30 jaar se ervaring in die bestuur en leiding van organisasies in beide die openbare en private sektore. In 2016 is sy as ’n pastoor in die Apostoliese Geloofsending (AGS) bevestig en dien tans as hulppastoor by die House of Glory Assembly in Pietermaritzburg.

Jacob Bonginkosi Freemantle

Jacob het in 2021 op die raad begin dien. Hy het in 1998 sy Honneursgraad by die Rhodes Universiteit voltooi en het ook ’n Meestersgraad in Filosofie. Hy dien tans die Methodiste Kerk as die Distrikbiskop van die Grahamstad Distrik

Natasha Potgieter

Natasha het in 2020 op die raad begin dien. Nadat sy haar LLB-graad aan die Universiteit van die Wes-Kaap behaal het, het sy verdere regsopleiding by die Universiteit Kaapstad ontvang. In 2017 is sy as advokaat tot die rol van die Hooggeregshof van Suid-Afrika toegelaat. Sy is aktief betrokke in die bediening en het ’n hart vir jeugontwikkeling en leierskap. Sy geniet ook uitreik- en welsynswerk.

Dirk Gevers

Ex officio lid van die Raad

Dirk is in 2014 amptelik as Uitvoerende Hoof aangestel. Hy het in 2007 in KwaZulu-Natal by die Bybelgenootskap aangesluit en in 2009 word hy die Streekhoof aldaar. Hy is georden in die "Uniting Presbyterian Church of Southern Africa" en bedien verskeie gemeentes voordat hy by die Bybelgenootskap in diens tree. Dirk dien tans as Ondervoorsitter op die Wêreldraad van die Wêreldbond van Bybelgenootskappe.

Paul Maddison

Ex officio lid van die Raad

Paul het in 2009 as Hoof: Finansies by die Bybelgenootskap in diens getree. Paul is 'n geregistreerde geoktrooieerde rekenmeester. Hy het ongeveer 24 jaar ondervinding in finansiële bestuur by verskeie maatskappye gehad voordat hy by die Bybelgenootskap diens aanvaar het.

Mike Roodt

Ex officio lid van die Raad

Mike het in 2021 op die raad begin dien. Hy is in 1986 as voltydse pastoor in die Volle Evangelie Kerk van God in Suid-Afrika georden. Hy bedien drie gemeentes voltyds voordat hy op 1 Januarie 2007 as organiserende sekretaris by die Bybelgenootskap aansluit. Sedert April 2018 beklee Mike die posisie van Hoof: Kerk- en Gemeenskapsbetrokkenheid.