BYBEL-PER-MAAND KLUB

 

 

UNkulunkulu ukhuluma isiZulu

  

Zulu 2

 

God praat isiZulu, reeds sedert 1883 beskik Zulusprekende Christene oor 'n volledige Bybel in hulle hartstaal.

Tale verander egter gereeld en daarom is Bybelgenootskappe ook verantwoordelik vir hersienings en nuwe vertalings – alles om te verseker dat Bybelgebruikers God steeds duidelik in hulle eie taal kan hoor en verstaan.

Die vertaling van die isiZulu Bybel wat tans deur die meeste Zulu's gebruik word, is ouer as 50 jaar. Veranderinge in onder andere die taalgebruik, van veral die jonger geslag, het 'n nuwe vertaling genoodsaak. Daar is in 2009 met die werk begin en die vertaling sal hopelik teen einde 2018 te voltooi wees. Die volledige Bybel behoort in die eerste helfte van 2020 beskikbaar te wees.

Hierdie vertaling beskik oor sy eie webwerf www.isizulubible.co.za waar daar reeds van die teks beskikbaar is vir kommentaar deur die publiek.

Bid vir:
  • almal wat aan hierdie vertaling werk
  • die kerke wat met groot verwagting na hierdie nuwe vertaling uitsien.